當年今日
關於我們

馬會擺烏龍3號誤當13號!

蘋果日報 2015/12/13 06:00

馬會擺烏龍3號誤當13號!

這天國際賽日整個流程唔算太順暢,既有女將蔣嘉琦第三場策「君子協定」墮馬後退下火線,亦有客串騎師貝湯美身體不適,完成唔到下半場賽事,更有馬匹「佳力印記」及「龍城勇將」這天退出國際賽。
至於馬會作為主人家,臨場亦有蝦碌鏡頭,事緣跑罷第四場香港瓶,大屏幕影住頭馬「高地之舞」,旁邊打出前四名馬號,其中第三名顯示為3號「原始森林」與事實不符,蓋過終點跑第三實際係13號「大利盈」,一度搞到馬迷一頭霧水,好在當時未係正式派彩,之後亦作出修正。