華叔又話萬一維園燭光集會要改期,也不代表不悼念六四,支聯會會喺街上向市民派發白蠟燭,市民可以自行在家點起一支燭光,默默向六四英靈致哀,表達心意唔應該受地點限制,只要燭光不滅,平反六四訴求都唔會平息。
支聯會副主席李卓人則話,估計今年出席六四燭光集會人數會大增,往年都坐滿幾個維園足球場,今年相信會塞爆維園,因此佢哋已作安排,借用埋維園凉亭、草地,畀市民入場參加燭光集會。六四20周年活動,終於踏入高潮,唔使等到下星期四,八方提醒大家,聽日下晝三點,毋忘六四大遊行喺維園足球場集合出發,遊行到政府總部。