港股反覆，外圍市場也相當波動，尤其滙市風起雲湧，不過從金價走勢可見，市場大方向似是炒美元貶值，通脹升溫。金價於本周初破頂創新高之後，近兩日似在高位整固，後市反覆挑戰1300美元的機會相當高。金價受惠股，來來去去炒幾隻金礦股，不過這幾個月可見，金礦股的動力已大不如前。
唔買金礦股，簡簡單單最好買持重金的幾隻金飾股，除了受惠金價向上，更多人買金保值，還可以受惠內地消費熱潮，零售股吃香。事實上，近月股王之一六福（590）雖已累升不少，9月以來卻未見較深之調整，反而似要整固完成，破旗再試高位，另一金飾股周生生（116）公佈中期業績後一度急挫，但之後便幾乎日日陽燭上升高收，昨日更加破頂向上。
兩大金飾股都要闖高位，早前一度勁炒的景福（280），估值便顯得更合理化，昨日除息後股價跌回1.65元，較高位1.94元已回吐近15%，此等零售股一向波幅大，低位儲定貨，好過等爆上之時才高位急急追入。景福股價22年無升過，忽然以大成交炒上，應該好快便知道炒上緣由，PE仍僅11倍，市值7.1億元，細細隻更有想像空間。

其他相關股都見蠢蠢欲動，例如英皇鐘錶（887）創新高後，昨日先回吐後高收，反映資金對這類股份情有獨鍾。行業上最落後一隻則要數香港資源（2882），該公司以白武士身份收購金至尊，理論上走勢應與其他金飾股睇齊，惟其股價卻嚴重落後，料與公司財政及業績仍未能予投資者充足信心有關。
事實上，幾隻走勢較強的金飾零售股已經證明能夠交出亮麗業績，何必偏偏要揀隻未做到成績，唔知要等到幾時的香港資源呢？
歐陽風