巴西猛人蘇兆輝早前隻身前來，開始在港客串，臨近國際賽前，佢老婆Victoria終於帶埋次子Max，於剛周一（3日）抵港團聚，今日（4日）一家三口更露面晨課。

原來蘇兆輝老婆又大肚，今胎又係仔，所以佢都笑笑口口話要努力贏馬賺錢，因為佢大仔Ryan喺英國返緊學，無緣來港探父親。明年BB出埋世後，一家就變五口！

既然一身妻兒債，今期（5日）呢位猛人唔贏馬唔得，加上有老婆打氣更醒神，所以除咗出戰國際騎師錦標賽四關要努力外，騎其他馬亦鬥志十足，好似第二場「皇家魅力」，上場已係佢手上跑第三，今次再跑谷草1200米，應可坐正做冠軍。