繼昨晚田蕊妮於麥花臣舉行個人音樂會後，樂隊sp'ACE今晚接力演出，主音鍾健威（Ray）的女友黃美棋手拎燈牌撐男友，好友林奕匡夫婦、余慕蓮、劉明軒、鄧健泓及太太石詠莉、杜汶澤與太太田蕊妮、吳業坤等到場支持。

晚上約8時半正式開騷，一口氣唱三首歌後，Ray興奮大叫：「sp'ACE終於開演唱會啦！等咗今日好耐，好多謝公司搵到場地，畀我哋用咗半年至9個月時間準備，但原來都係唔夠時間準備嘅。」台下有觀眾大讚周吉佩好大隻，吉吉即興谷行「老鼠仔」，引來台下尖叫。

吉吉兒子在台下大叫「爸爸」，吉吉即冧爆叫囝囝暱稱「豬豬」，他還即分享喜訊：「其實嚟緊我哋仲有一位爸爸就係阿Pang（結他手），佢10月做爸爸啦！」

張崇基與張崇德為sp'ACE擔任嘉賓，合唱經典卡通片主題曲《龍珠二世》，張崇德說：「見佢哋咁肯堅持嘅小伙子係值得支持嘅。」吉吉指小時候便聽他們的歌：「聽《龍珠》嗰時，我同Ray仲未識你哋架，因為卡通片冇樣架嘛。」Ray搞笑說：「我真係以為悟空唱架。」

緊接，他們唱出連串快歌，包括梅艷芳的《冰山大火》、《夢伴》、張國榮的《Monica》及古天樂的《今期流行》等。

採訪：盧妹

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港