出爐港姐冠軍雷莊𠒇試過畀讀者影到佢個素顏look，全憑棚「招牌牙」被認出，當選後，一直有網民批評，不過雷莊𠒇懶理負評，繼續我行我素，做最真實嘅自己。

雷莊𠒇噚日又喺Instagram嘅限時動態晒船P相，天清氣朗，出海大晒長腿，雷莊𠒇再次勇敢素顏出鏡，仲着咗三點式配牛仔短褲，大騷小蠻腰。

雷莊𠒇同一班年紀相若男女出海，誓要捉緊夏天嘅尾巴，之但係睇佢參選時報稱有34.5吋上圍嘅雷莊𠒇，泳衣下未見波濤「胸」湧，反而身材平平，睇嚟佢都係於玩「變幻球」，佢亦貼出自己扭S腰pose嘅相，佢留言：「Own it ladies feel good.」自我感覺良好!