【自創葉問枚】《葉問4》慰勞宴 甄子丹出錢出力玩抽獎

蘋果日報 2018/09/14 13:55

甄子丹黃百鳴葉偉信葉問4
    甄子丹主演《葉問》系列電影，叫好叫座，而監製黃百鳴、導演葉偉信同甄子丹，呢個金牌組合，更係合作無間。噚晚電影公司為電影《葉問4》舉行慰勞宴，除了黃百鳴、葉偉信、甄子丹外，還有老闆之一嘅黃子桓、保利博納老闆于冬，及演員敖嘉年和Chris Collins都有出席。
    《葉問4》除咗金牌組合外，唔少得第三集加盟嘅動作導演袁和平（八爺），喺上海、英國花咗四個月時間拍攝。甄子丹感謝一班工作人員，佢感觸話：「好難得有部電影，可以拍到第四集，諗番拍第一集時，有人不但唔睇好，仲問我點解要拍葉問，睇到今日電影同角色嘅成功，觀眾嘅認同，好開心。」至於監製黃百鳴話：「一套電影拍到第四集唔簡單，《葉問》更加係我最放心，所以我都冇去探班。」導演葉偉信則感謝工作人員外，特別感謝八爺，希望可以同佢再有下次合作。
    而甄子丹直言拍第一集有壓力，去到第四集好輕鬆，佢話：「由《導火線》、《殺破狼》至《葉問4》，同導演已經有默契，所以今集我只係到現場交人，唔使諗，亦相信呢集會更好。」席上甄子丹將詠春、第二集經典代表洪金寶嘅洪拳，同埋第三集Mike Tyson嘅 西洋拳，結集成「葉問枚」，同黃百鳴、于冬齊齊攞出現金抽獎，同一班工作人員開心歡度一晚。
    精選娛聞，喺晒《娛果》
    http://fb.com/appledailyent
    empty
    甄子丹同兩位老闆都有攞錢出嚟抽獎。
    empty
    工作人員抽中甄子丹嘅獎金。
    empty
    甄子丹玩「葉問枚」。
    empty
    監製黃百鳴攞錢出嚟畀工作人員抽獎。
    empty
    葉偉信（左起）、Chris Collins、甄子丹、黃百鳴同敖嘉年。
    empty
    《葉問4》嘅班底。
    empty
    袁和平同甄子丹。