陳細潔今日以保良局主席身份，喺荃灣大會堂出席「親子英語漫畫創作無難度比賽頒獎典禮」，佢認為兩文三語子重要，用漫畫去學，會令學生容易明白，佢話：「有啲家長擔心小朋友會辛苦，其實係唔會，小朋友會學得好開心，不過親子都好重要，所以我希望公司喺小朋友考試期間，可以給予員工彈性上班，或者可以放半日假，因為小朋友嘅嘢，好多都要睇住。」

問佢對畫畫有冇興趣？陳細潔話：「細個有㗎，我仲走去理工報讀校外進修課程，可能冇乜天份，鍾意係一樣嘢，天份又另一樣嘢，o依家好多專家研究咗，由藝術帶入教學，學生會容易去學，壓力都可以減低。」