王喜、艾美琦、黃夏蕙等，噚晚喺圓方出席電影《俾鬼債》優先場活動，王喜話二月時去咗芬蘭拍攝旅遊特輯，已經係第二次去當地，好好彩當時冇遇到大風雪。

王喜o依家除咗喺浸會教書之外，仲為亞視主持一個旅遊節目，之前就係講芬蘭有咩好玩，個節目好多嘢都係自己準備，兼要自備旅遊相。講到芬蘭之旅，阿喜話：「當地去廁所要用信用卡畀錢，大約5蚊港紙，入到廁所後就上鎖，倒數15分鐘會自動解鎖，之後外面嘅人就可以推門入去，就算喺廁所入面做咩都要中斷出返嚟，不過正常人唔會喺公廁15鐘咁耐，呢個畀錢廁所幾有趣，所以都有試用一次。嚟緊會再去，到時會睇熊、食三文魚。」

精選娛聞，喺晒《娛果》
http://fb.com/appledailyent