59歲的謝女士在國衞保險購買一份意外保險已逾十年。06年5月，她在醫院任職清潔工人，與同事一同搬運一箱衣服時發生意外，導致腰背受傷。「當時個箱入面有七、八十件制服，有幾十磅重，我同拍檔一齊搬到手推車時，佢喺半空突然放手，我無準備，承受唔到成個箱嘅重量，失去重心，就扭到腰。起初以為無事，過一、兩日之後竟然痛到起唔到身，就去醫院睇急症，之後一直請病假，斷斷續續請到上年11月。到𠵱家仲未好番，坐唔夠20分鐘腰就痛，要食止痛藥。」

事發後，謝女士即向任職的醫院申報工傷，並向國衞保險申索意外賠償，「我為咗索償，仲畀咗695蚊醫院索取醫療報告，結果國衞話因為報告入面，無寫明係意外，所以唔賠！」去年12月，謝女士接獲勞工處工傷評估報告，證明其右肩、頸部及腰背受傷，引致頸部輕微疼痛及殘餘的腰背疼痛，而椎間盤有輕微垂脫，被判斷因受傷引致永久喪失賺取收入能力1.5%。

她忿言：「工傷都判咗，應該可以證明係意外，我就再用呢份報告同國衞索償，點知佢哋仍然拒賠，真係唔合理！我明明意外受傷，點知索償會咁麻煩，搞咗年幾兩年都唔得。」
國衞保險接獲本報轉介有關個案後，並未就個案作正面回覆。惟本報聯絡謝女士，她表示國衞維持原來決定，令她忿忿不平。
檔案編號：0306030

國際專業保險諮詢協會會長羅少雄表示，所謂意外，即指於不能控制情況下引致傷害；而工傷賠償屬強制性勞工保險，一般只需證明於工作期間受傷便可獲賠。由於工傷賠償乃不問原因，故有關報告未能證明事主因意外受傷。
羅少雄建議，「如果事主對保險公司嘅理賠決定唔滿意，需要自行舉證。事主可以搵專科醫生證明傷害係意外導致，另外，向僱主申請一份事發當時嘅報告，搵事發嗰陣一齊做嘢嘅同事做見證，擬一份當事人報告作證。如索償金額高，可以考慮循民事申索」。

社會服務
報料熱線：29290000
社會服務熱線：29908288
蘋果日報慈善基金：29908688
傳真：37112468
電郵：mailto:[email protected]

匿名投訴恕不處理。一經投訴，本報保留刊登權利。