當年今日
關於我們

【悼曼德拉】回顧曼德拉生平電影 《曼德拉:漫漫自由路》倫敦首映

蘋果日報 2013/12/06 06:00

曼德拉

南非前總統曼德拉喺12月5號逝世,根據法新社報導,曼德拉逝世消息證實嘅同時,傳記電影《曼德拉:漫漫自由路》喺倫敦首映,當時曼德拉嘅女兒辛琪(Zindzi)同吉娜妮(Zenani)都有出席首映會,主辦單位曾經討論會唔會中斷首映,但曼德拉嘅兩個女兒就請主辦單位將電影播完。

而呢一套《曼德拉:漫漫自由路》預計會喺出年4月喺台灣上映,而香港就未知上映日期,《曼德拉:漫漫自由路》講述曼德拉早年為反抗種族隔離政策奮鬥,仲因為咁被關入監獄長達27年嘅史實傳記電影,並且由喺電影《悍戰太平洋》中嘅英國男星IdrisElba飾演年輕時期嘅曼德拉。

其實除咗0依套《曼德拉:漫漫自由路》之外,以前都有唔少電影係講述曼德拉嘅生平。

《MandelaSonOfAfricaFatherOfANation》係一套以曼德拉為主嘅記錄片,喺1996年發行。

《MandelaAndDeKlerk》係一套電視電影,喺1997年播出,講述曼德拉係南非總統,佢成為南非總統之前被指陰謀顛覆國家嘅罪名而被判終身監禁,喺獄中嘅二十年,佢冇放棄自己,冇放棄南非,繼續鍥而不捨咁為爭取南非自由民主而戰。

《GoodbyeBafana》喺2007年上映,故事係改編自羅賓島獄警裏所著之嘅同名小說GoodbyeBafana,講述兩個唔同背景、信念衝突嘅男人,點樣聯手面對、挑戰不可能,重現南非從法西斯主義當道嘅種族隔離政策,進展到民主自由嘅過程。當中曼德拉扮演非常重要、鼓舞人心嘅角色,南非都成為現代社會中民主國家嘅典範。另一個主角就係獄警JamesGregory,係個典型嘅荷裔南非人,佢認為黑人係低劣人種,但因為佢識講科薩語嘅關係,成為咗看管「鎖住自由的監獄島」羅賓島上嘅民主鬥士曼德拉嘅最佳人選。JamesGregory每日暗中監聽囚犯,但都受到曼德拉潛移默化嘅影響。佢開始醒覺到人係可以幾殘忍咁對待同自己不同嘅人種。終於,佢決定幫助曼德拉,共同尋求南非嘅民主自由人權。

《不敗雄心》喺2010年上映,由摩根費曼飾演曼德拉,故事講述啱啱當選總統嘅曼德拉眼見國家受到種族隔離政策嘅影響,不論種族上或者經濟上都出現分歧。於是佢聯袂爆冷晉身1995年世界盃決賽嘅南非欖球隊,希望透過體育運動令民眾團結。

《Endgame》喺2009年上映,講述黑人以游擊戰同汽車炸彈來爭取平權,白人政權自不手軟。但嚟自歐美嘅壓力日增。有英國公民拉攏雙方在倫敦秘密談判,最終達成還權於民嘅協議。

《Winnie》喺2011年上映,講述曼德拉前妻溫妮嘅故事,曼德拉曾經喺獄中度過27個春秋,佢嘅妻子溫妮為咗幫他出獄四處奔走活動,仲入獄過幾次。溫妮都係一位反對種族隔離嘅鬥士,曾經享有「黑人母親」嘅尊稱。