照字面解讀，似乎係羅康瑞部署退休wor！但當事人話，件事並唔係咁嘅，仲話「我退休唔得o架！」佢話，查實家內地好多樓市調控措施，令到佢好鬼多嘢做，再講，佢係個唔可以退休嗰種人嚟o架，連放假都唔係好得。「我返工好似放假咁，所以，我冇放假囉！」而根據呢個最新分工架構，羅生今後只會專注於領導董事會制訂戰略方案，而阿進港就會負責日常管理同營運！
其實羅生話唔做CEO，華華又唔係好意外，事關舊年年頭佢接受黨報訪問嗰陣，已講明搵緊CEO接班人，仲希望1年內成事，咁點解會揀到49歲嘅進港呢？佢話問過公司好多經理級同事，九成以上都係揀進港，所以，佢咪就揀進港囉！
點都好啦，華華相信至Happy嘅應該係羅生個「最美麗港姐」老婆朱玲玲，因為就算唔退休唔放假，今後羅生點都有多啲時間陪佢啩！
李華華
mailto:
[email protected]