【跑馬跑賠率】冠軍戰火紅火綠!方嘉柏時時都咁好計
冠軍戰方嘉柏好計時時有餘
騎練冠軍爭到火紅火綠,之不過有啲馬房就話知你,趁視線被轉移賠率被扯高仲啱胃口。
方嘉柏算係其中一個,麾下最近頭馬配兩大高手都有得分,包括雷神贏「關鍵時機」7.5倍,潘頓贏「安賦」6.6倍,認真和味。
目前方廐贏咗39Win,谷草佔咗25Win認真誇張,明晚(3日)八隻用六個騎師有冷有熱。
頭場三班2200米「好計」今季已贏咗兩場四班谷草一哩,呢晚突然大幅加程跑2200米,同晚三班有一哩賽程而方仔亦無馬報。
馬房兩張王牌落在六場四班1000米「駿爵士」、尾場三班1200米「同進」身上。
「駿爵士」反覆試準晒,「同進」在港四Win全部係谷草1200米,3月中贏同程完全無視「鼓浪順風」、「獎金大王」;後兩駒之後排隊補中,足證「同進」跑呢個路程嘅威力。
熱門當然仲有未交代的第三場四班1650米「果然友」、第七場二班1800米「時時有餘」,雷神、潘頓一人分一隻,公平、公正,無傾斜一邊。
--------------------------
【馬上看經典】平民終究不敵貴族!遮打盃經典劇情幾近重演
即睇今期《馬上看經典》 --------------------------
馬匹賽績、騎練數據、名家貼士
【最強贏錢武器盡在蘋果馬網】
刨馬撳呢度 --------------------------
《果GYM》隨身播 健身壹App過!
一按即玩