網壇名宿麥根萊口沒遮攔寸莎蓮娜，話佢如果嚟打男網比賽世界排名只係排700，隨即引起罵戰。而家懷緊孕嘅莎蓮娜隨即喺Twitter反擊，叫佢尊重啲。58歲嘅麥根萊都仲未肯收口，話要知邊個勁，不如搞場男女大戰。

麥根萊喺周二接受訪問時話：「好不幸地，我覺得需要為自己嘅言論辯護。我亦有一個解決方案，將所有男女球手唔分性別一場比賽咪得囉，結果係點唔使睇都知。」