【人大選舉】浙江省政協包尾 兩民主派得票都高過佢
人大季霆剛浙江省政協
話明係小小小小圈子選舉,人大選舉又點會咁容易被激進民主派入場?唔少人如鳩嗚團成員未入閘就被DQ,剩返高教界王凱峰同宗教界林亨利可以入閘,而喺投票前夕,民主派私下DQ埋王凱峰,如無意外,喺呢場要同建制派同聲同氣嘅選舉中,王凱峰都係包尾大王之選啦,點知結果同教聯會出局一樣,令人驚訝!
點解八方咁講?睇返吖,排第49位,即係最尾嗰位,原來係浙江省政協季霆剛,佢得票112,仲少過排喺佢前面兩位嘅林亨利同王凱峰喎,林得票倒數第三有256票,王則以155票力壓季霆剛。
嘩,季霆剛係政協噃,又要係前民建聯成員,乜唔係較民主派更易攞支持咩?佢仲要替建制派「出氣」,狙擊過報名人大時唔肯簽確認書嘅郭家麒,為國家服務後都冇回報,情何以堪啊!