謝安琪本周六即將舉行巡迴演唱會，臨開騷前抽空接受《add》訪問。

前排《羅生門》瘋狂洗版，更衍生出一首葉蘊儀主唱的《中女羅生門》，Kay都有留意：「我覺得葉蘊儀真係好勇敢，首歌嘅歌詞講出一個中女好想嫁人嘅心聲，有啲人會覺得首歌幾好笑喎，我就覺得係一個心酸嘅故事。」

歌曲被人惡搞，Kay不介意，還表示無任歡迎：「我都幾鍾意睇二次創作，我啲歌都畀人改過，我好歡迎㗎！好多都幾高質素，製作又認真，就算特登好粗糙都係種風格嚟。好玩在佢地會講啲好貼身嘅話題，仲有血有肉，好好睇呀！」

講到今年入行十周年，阿Kay覺得相比十年前，社會環境都變化很大，身為歌手渴望可以有更自由的空間「唱」所欲言：「好多事都令人好敏感，敏感到任何嘅眼都好容易被人放大，好多人都會畀人塑造成推動某啲事嘅icon，好多事好難好理智去討論，可唔可以冷靜啲呢？好似好難。」

「我希望可以越行越寬闊，我想有一個社會可以自由自在，去討論我哋想講嘅議題，音樂係好好嘅媒介，將好嘅事物講出嚟，而我哋唔需要擔心或者受到壓力，係我作為歌手最期待嘅。」

更多時尚新聞，即上： http://add.appledaily.com