英超冠軍車路士今個夏天喺轉會市場嘅連番動作都唔算順利，想簽嘅阿歷士張伯倫去咗利物浦，另外巴克里又忽然U-Turn唔肯上「車」。不過，藍戰士領隊干地就話：「簽唔到人關我鬼事咩？」

干地強調：「我只係一位教練，我嘅工作係喺球場上面，我鍾意改善球隊，同我嘅球員合作。當然，球隊會問我邊一位球員可以加強球隊嘅實力，但係喺轉會市場有動作嘅係球會，佢哋盡力做好佢哋嘅工作，我就做好自己嘅本份。」

干地仲拎埋自己以前嘅經歷出嚟講：「我只係轉過一次會，由萊切轉去祖雲達斯，當年都係球隊主席打電話畀我同媽咪，唔係教練查帕東尼搵我。當我效力祖記果陣，球員都係因為呢支球隊而簽約，唔係為咗位教練。」