嗱，一口氣講得出呢張相全部人名，你就不愧為真‧球迷啦！3、2、1，開估！前排中係荷蘭名將雲巴士頓，後排左起就係美國女足10號萊德、巴西孖寶卡富同朗拿甸奴、尼日利亞好波中場奧高查、哥倫比亞「金毛獅王」華達拉馬、法國前鋒查斯古特同埋新西蘭中場維斯歷治！呢班傳奇球星周二雲集巴林Manama，準備出席第67次國際足協（FIFA）大會，FIFA亦安排2018年世盃吉祥物Zabivaka同佢哋合照，可惜星光熠熠下只能做配角。

原來呢張合照都包唔晒所有球星，皆因阿根廷「球王」馬勒當拿都喺現場，仲同華達拉馬攬頭攬頭！老馬同日亦帶埋細哨、萊德去咗商場show quali，同樣吸引大批球迷「追星」架！