【祝早日康復】88歲黎宣睇醫生 老公女兒傍實好體貼
蘋果日報 2019/12/28 18:07
大時代賤婆婆黎宣
（圖右攝影：魯吉）
88歲黎宣出身演藝世家，是大眾公認好戲之人，尤其《大時代》飾演丁蟹母親賤婆婆最深入人心，不過宣姨自問年事已高，所以2010年拍完無綫《Only You 只有您》一劇後便淡出娛樂圈，跟老公高宏享受人生。宣姨家住將軍澳，前年曾有讀者見到宣姨跟老公恩愛食甜品，精神相當不俗。
不過，宣姨近日身體不適，要到醫務所睇醫生。《蘋果》記者今日上午10時許在新寶城一診所見到宣姨老公高宏，原以為他生病等睇醫生，但10分鐘後，便見宣姨女兒拖住媽咪出現，原來高先生早點到診所為宣姨掛號，相當體貼，但因為當時診所擠滿人，宣姨等候了近45分鐘始見醫生。等候期間，宣姨一度閉目養神休息，看來頗為疲倦。宣姨在女兒陪同下見醫生，老公則在外等候。睇完醫生後，宣姨由女兒拖住慢慢步出醫生房，一位男士即刻讓座，宣姨連忙說聲多謝，她坐下後見到面前一位小妹妹站立，還主動問小妹妹：「你坐唔坐呀？我抱住你呢？」但小妹妹害羞地擰擰頭。大概10分鐘後，宣姨女兒代母親取藥，然後由高先生拖實宣姨離開。
採訪、攝影：魯吉
黎宣今日在女兒（右一）和丈夫陪同下睇醫生。
黎宣睇完醫生後獲男士讓座。
宣姨在診所等了近45分鐘。
黎宣在《大時代》飾演的丁蟹母親賤婆婆最深入人心。（無綫電視截圖）
黎宣當年參與拍攝的《大時代》陣容強勁。（資料圖片）