親自見証康城影后張曼玉演技成長嘅王晶，今日喺商台錄音訪問中表示，喺84年起同張曼玉合作拍戲，初時曼玉喺佢眼中仍然有女文員感覺，佢話：「記得第一日開工拍唔到凌晨兩點，佢就瞓咗，之後我叫醒佢拍個大頭特寫，第二日畀番佢睇自己眼幾腫，我同佢講因為瞓醒咪咁腫。」

隨後曼玉演技日漸成熟，直至《甜蜜蜜》時，佢覺得曼玉已經達至影后水平，近年佢都想同曼玉再合作，不過對方婉拒，佢明白要佢再演戲係好難搵合適角色，加上女演員近五十歲，若果有條件係應該引退。