當年今日
關於我們

講故事傳意義「上門員」有價有市

蘋果日報 2020/11/06 00:00


【個案三】裁員潮殺到,疫市新工種應運而生,如食肆執枱員及傳菜員、口水速遞員等。近日「上門」另類工種更大行其道,有人成為故事傳譯員、寵物照顧員,就連電腦砌機員亦「翻生」,造就一批「上門員」大熱!
故事傳譯員Donna每日帶備多款故事書、一些小樂器搖鼓及其他小玩具,穿梭不同的家庭,上門向小朋友講故事。每節大約一小時,收費300元。雖然聽起來工作簡單,但要做得好也是一門學問,她每次都因應小朋友的年紀及其成長需要等元素,花不少時間準備教材。「故事背後一定要有啲道理可以帶出嚟……如果對一個兩歲小朋友講我哋做人要誠實,太難喇!」課堂期間,亦並非單純說故事,她會加插一些角色扮演,與小朋友互動,以顯淺手法將故事背後的意義灌輸給小朋友。
疫情高峯期,所有學校、幼稚園及興趣班全面停課,打亂不少在職家長日常生活安排,因而造就上門教學風氣大行其道。「如果(小朋友)喺屋企真係會冇乜活動,所有中心又閂晒……日日放題打機,咁就好大件事。」聘用Donna講故事的陳太坦言,教育中心停擺令在職家長措手不及,因此上門講故事幫了家長一個大忙。
empty
■Donna「上門講故事」工作看似簡單,但其實每次均要揀選不同教材以配合小朋友需要。

貼身面授 照顧更仔細

28歲的Donna,本身讀幼兒教育,畢業後一直以教育及藝術自由工作者身份「接Job」,疫情令其工作量大減,幾乎零收入。今年首3個多月,她四出搵工,應徵過文員、社交網站小編及幼稚園老師等職位,可惜全部沒回音,「見過十幾份工,send信都有40、50份,被迫變咗個(求職)達人」。失業近半年未找到工作,惟過程中她曾應徵一份「上門講故事」工作,雖然最後沒被聘用,但靈機一觸想自己創業試試。
由於工種較另類,創業初期根本未被外間認識,她只好向身邊有孩子的朋友入手,並將「試業」點滴上傳網絡平台,靠家長間口耳相傳,逐漸累積到一批客戶,殺出血路。「搵到差唔多10,000蚊一個月都已經心足啦,喺呢個疫情!」她認為故事傳譯員能訓練小朋友的口才及思考,就像將興趣班個人化,「上門一對一,照顧比較仔細啲……,肯做都會儲到唔同嘅客戶。」她有信心「上門」工種未來仍然有價有市。