韓國人氣育兒節目《超人回來了》自2013年開播後大受歡迎，唔少演出節目嘅小朋友都深受觀眾喜愛，包括「得意妹」秋小愛、「國民三胞胎」大韓、民國、萬歲、大發BB等。而節目為咗維持收視及吸引觀眾，不時都會有新家庭加盟演出，就好似韓劇《拜託了媽媽》女星Eugene與男星奇太映嘅愛女露熙就喺去年初加入節目。

不過今日就有報道指，奇太映、露熙父女將退出《超人回來了》，令觀眾大呼不捨。報道又指奇太映、露熙父女近日已經完成最後一次拍攝工作，不過因為KBS電視台罷工，導致節目現階段處於停播狀態，所以奇太映、露熙父女演出嘅最後一期節目嘅播出時間仲係未知數。

更多韓流，喺晒《娛果》
http://fb.com/appledailyent