電影《台北夜蒲團團轉》噚晚喺旺角新寶戲院上映優先場，寸嘴Barbie（夏尉喻）同片中兩位台灣演員郭伶怡（小Call）、王寶第齊齊去戲院謝票，之後小Call同王寶第仲殺入旺角行人專用區，向途人大派夜蒲急救包，又將台灣夜蒲文化「撿屍區」帶到旺角街頭，同工作人員喺行人專用區瞓地，吸引大批途人圍觀。

小Call同王寶第喺電影中都有激烈床戲，小Call話：「戲入面我會有好多性感演出，但都係劇情需要啫！」電影監製錢國偉就話，如果票房超過五百萬，之後每一百萬就會請演員食一餐飯，所以希望食多幾餐。