第二屆澳門國際影展暨頒獎典禮今日喺澳門舉行，今年大會以「銀幕盛宴 戲象一新」為主題，大約會有超過40部中西電影播映，電影《柏靈頓熊熊出任務》將擔任開幕電影。

大會邀請咗甄子丹、楊千嬅、韓國新星D.O.以及國際知名巨星Jeremy Renner（鷹眼）擔任影展明星大使，吳宇森就擔任影展嘉賓及影展大使。澳門影視製作文化協會會長暨籌備委員會副主席周焯華(洗米華)單拖現身活動，佢仲好興奮咁拎住自拍神器，捉住旅遊局局長暨影展籌備委員會主席文綺華影相。其他嘉賓包括有：鄭裕玲、林盛斌Bob、錢國偉、梁家仁、湯鎮業、楊受城、蔡卓妍、任達華、衛詩雅、湯怡、譚耀文和潘源良等等。

更多娛聞，喺晒《娛果》
http://fb.com/appledailyent