每年七一，香港人都會由維園出發，沿電車路踩上中環，為自由公義發聲。呢個景象已成為回歸15年來嘅香港icon。電車同廣告公司合辦嘅電車站廣告創作比賽，今年嘅「創作機構組金獎」作品，就以「九七」、「七一」、「雷曼」等標語做主題，寓意「能屈也能伸香港人的精神」。
喺「七一」標語下面，仲有一句「走上街頭還政於民」。大會話，比賽主題係從電車站出發，回望港人成長路上嘅光輝15載。過百份作品內，唔少係以「共度時艱」為主題，得獎作品會喺電車站展出。