當年今日
關於我們

【李八方online】工聯會落選女區議員狂吠 辱8.31大肚婆「犯婦人」

蘋果日報 2020/09/03 19:17

孕婦工聯會陳穎欣夏泳迦

8.31當晚一位孕婦被防暴警員拉扯同箍頸倒地送院呢一幕,正常人睇到只會眼火爆。不過工聯會兩位落選區議員陳穎欣、夏泳迦,對事件有異於常人嘅睇法。佢哋拍片指摘嗰名孕婦係「犯婦人」,仲質疑佢事後接受傳媒訪問嗰陣「七情上面」,係有劇本安排。孟子講過:「惻隱之心、人皆有之」,咁冇嗰啲咪唔係人囉!
做KOL做到失心瘋嘅陳穎欣同埋夏泳迦最近拍片,攻擊8.31嗰晚被警員推倒嘅孕婦,先指控「黃人」利用嗰名孕婦製造話題,又質疑孕婦的丈夫不斷辱罵警察,目的係想挑釁警方,帶動旁人嘅情緒,仲大言不慚咁指摘嗰名孕婦「不顧危險」,刻意喺8.31呢個「敏感日子」去太子、旺角一帶,係帶有目的性嘅行為。
二人喺片中仲不斷質疑受害者嘅身份,又向受害者落井下石話:「要孕婦就要有孕婦啦,冇的話,個肚都要有咁大得咁大⋯⋯最緊要做訪問時識得唧多幾行眼淚就得,講多幾句好暈。」輸咗選舉本來係等閒事,反省吓自己有咩做得唔好,下次重新嚟過,不過佢哋同特首林鄭月娥一樣,永遠都係人哋錯、自己啱,唔想選舉輸就淨係識押後選舉。
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
《本土情味》結集《飲食男女》雜誌經典欄目「老字號」文章,記錄香港40家飲食老店的動人故事,見證香港飲食史的甜酸苦辣。即日起,於各大便利店及書報攤有售,並於 《蘋果日報》你的優惠 網上獨家發售!