日本旅遊勝地沖繩近日爆發麻疹疫情，65宗感染個案，為沖繩相隔4年首度出現麻疹患者(新聞連結： https://bit.ly/2EZMDbH )，感染個案有上升跡象，衞生防護中心表示正密切監察情況，呼籲旅客同市民提高警惕。

衛詩雅今朝出發去沖繩電影節，喺IG貼圖兼留言：「我準備好啦，沖繩電影節，《熟女愛漫遊》，好榮幸能夠入圍沖繩電影節！」唔少網民留言叫佢小心，記得要做好預防措拖。

衛詩雅今日接受《蘋果》訪問，表示啱啱落機：「我有睇呢單新聞，劇組好好，佢哋噚日都有同我哋講呢件事，叫我哋帶口罩，我記得細細個嗰陣打過麻疹疫苗，今次我只係逗留一日，行紅地毯就返嚟，會盡量避免去啲嚴重嘅地區，應該都冇問題。」

麻疹由麻疹病毒所引起，傳染性極高，麻疹可透過空氣中的飛沫或直接接觸病人的鼻喉分泌物而傳播，透過被鼻喉分泌物弄污的物件傳播的機會則較低，病人從出疹前4日至出疹後4日內可把病傳染給別人。

精選娛聞，喺晒《娛果》
http://fb.com/appledailyent