時間：99年6月

地點：香港

人物：盧冠廷

經過：唔經唔覺𠵱家都到咗2007年，踏入千禧年之後，香港人呢幾年生活都算係平穩，記得千禧逼近嘅時候，唔少人對千年蟲同世界末日好恐慌，一向好支持環保嘅盧冠廷，對踏入2000年7月1日係世界末日都深信不疑，不過𠵱家世界仲咁平安，證明佢當日嘅歪論係唔正確。

99年6月底，盧冠廷首次出席公開活動，佢話好相信千年蟲會攻擊電腦系統，導致核彈同導彈亂射，於是會搞到世界末日，既然咁嚴重，盧冠廷一早諗咗解決方法，就係喺馬來西亞沙巴搵咗個「伊甸園」避難，佢當時仲話一早同太太唐書琛過咗去視察過環境，嗰度遠離科技城巿，會比較安全。
盧冠廷為咗關照一班老友，佢仲將一叠叠好似電話簿咁厚嘅資料同數據印咗出嚟畀朋友參考，提醒佢哋要避難，受關照嘅朋友有葉童夫婦同盧敏儀夫婦。
對於世界末日謬論，記者當年向佢查詢，盧冠廷就否認有向朋友派發資料，但好明顯○○年唔係世界末日，日前佢仲做咗林子祥同杜麗莎演唱會嘉賓㖭。
本欄逢周一至周六刊出