打緊護級戰嘅Almond李易達，過去一年半載得各路友好支持，養馬量止跌回升，好多如「海之濤」及「大地王者」都有得贏。所謂有麝自然香，恨贏嘅馬主想謀求突破，都會樂意同佢合作，今戰佢有隻「匯聚力量」不久前拉過來，或多或少係同「享耆成」馬主Eric鄭錦鐘有關。
Eric鄭本身紮根深水埗，亦係深水埗賽馬團體一分子，其他成員都係該區地膽，咁呢匹馬在港三季都未開到齋，一想到轉換環境，又睇見「享耆成」咁多馬贏，諗起李廐係好正常。以呢匹愛爾蘭馬仲年青力壯，評分又越來愈越，唔好話佢哋幫Almond，抑或Almond幫佢哋，總之有成績，雙贏咁就最好啦！