【更新資料】

今日（11日）沙田七草三泥賽事，草地用C跑道，度地儀指數2.70，場地掛牌為好至快地。今日將不會進行壓地。

季尾階段田草跑道偏差嚴重，近幾次均見內叠前置佔盡優勢，今次用C欄預期此情況會繼續。睇番上季6月12日同一移欄八場草地賽事，放頭馬只得兩匹不入前四名，當中「宇宙車神」、「帝豪寶貝」及「小米周」放頭帶到，具前速之馬匹仍然值得優先留意。

今日第七場「爭分奪秒」上仗正是於田草C欄贏馬，休息三個月等番同一移欄再跑，養精蓄銳可再贏。另外，第六場「財高八斗」跑田草C欄一次即勝，亦係全場唯一贏過此移欄之參戰馬，憑較佳場地性能可征服三班。

泥地方面，掛牌好地及硬度計指數9.42，今日三場泥地賽皆為1200米，原來二月至今12場同程日賽，放頭馬取得六勝四位佳績，二場「有福氣」、三場「飛霞」及八場「盈利駿馬」等擅跑泥地之快馬可秤先。