網絡多個facebook群組傳出，利嘉閣地產馬鞍山廣場分行黃姓經理，昨疑因參與示威被捕。網上並流傳幾張圖片，顯示他已被幾個涉及樓盤銷售的WhatsApp群組踢出谷，甚至傳出他已被利嘉閣地產即刻炒魷。記者致電黃氏，惟電話不通。有認識的同區分行經紀表示，他被警方拉咗。

於網傳圖片中顯示，將事主踢出WhatsApp群組的群組管理員名為「Johnny Yeung R」，相信是該行沙田、大圍及馬鞍山區區域董事楊浩賢，楊浩賢接受記者查詢時回應：「我做乜炒佢，佢仲喺利嘉通（該行內部員工群組）度呀！」他強調，當事人沒有被炒魷，「我哋有咩資格炒1個員工呀，即賠㗎大佬。如果同事干犯任何嚴重罪行，咪進行公司內部調查。如果你話基本上，被人捉到，都要證明係咪干犯咩罪行先得㗎嘛。」

楊浩賢表示：「有人傳咗片畀我，條片見到佢當時無反抗、無掙扎、無逃跑，佢咁fit，有做開運動，如果真係要走，一定走咗。加上，條片亦見到佢根本無任何武器，亦無任何裝備。當時（警察）逮捕佢，無任何嘢嘅，只不過佢噚日喺我哋做嘢（地產代理工作）嘅時候，返沙田途中，唔知點解出咗事。」他重申：「佢噚日有返工，同我哋一班人喺售樓廠，返沙田時途中出咗事。我哋都莫名奇妙。」

對於事主被踢出WhatsApp群組，楊浩賢回應：「佢暫時離開群組，唔係代表佢無做呀嘛，大佬。佢無事，咪拉返入去囉，好簡單咋嘛。我移除佢，唔係代表我炒佢。只不過移除個別群組，因為當中有商業嘅嘢。我哋有1個利嘉通群組，佢仍然喺個群組入面。」

楊浩賢表示暫時未能聯絡他的家人，他稱：「我覺得行得正，企得正，應該無問題。因為佢都無逃跑，如果心虛，就逃跑啦！以我對佢嘅了解，佢無咁多政治派別嗰啲嘢。」

---------------------
兩次聚會 六大名家
分享長中短投資部署
立即點擊參加
蘋果動新聞 x 瑞萬通博【亂市投資攻略】
活動詳情： https://bit.ly/2lMN6tE
-----------------------------
基金資料大集合 一書幫你贏盡強積金
點擊即睇《贏盡強積金》電子書