曼聯禮拜三晚喺英格蘭聯賽盃半準決賽俾英冠嘅布里斯托城淘汰，宣佈衛冕失敗，領隊摩連奴嬲就梗㗎喇，佢賽後批評球隊嘅表現，話有部分球員「根本無返工」！

摩佬雖然未有點名批評個別球員，但佢賽後話：「上半場我哋踢得唔夠對手著緊，唔止係體力上嘅分別，連心態都一樣。我哋部分球員嘅心態好似係例行公事咁，有啲更加好似唔想踢，但係對布里斯托城嘅球員嚟講，今場波好重要，呢一點喺上半場好清楚。」

摩佬之後仲喺曼聯官網話：「今場踢得嘅球員係上場無踢嘅，下場佢哋都唔會踢。我認為佢哋亦都錯失咗喺英聯盃踢準決賽嘅機會，呢度講緊嘅係兩場波嚟。不過我唔怪呢班球員嘅，今日嘅情況唔係話佢哋唔緊張場波、無心贏波之類，球隊落後0:1果陣我哋係睇到果份鬥心㗎，直至布里斯托城入第二球之前都有呢團火，不過對手喺最後幾秒入波令我哋無仇報咋嘛！」

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM