【有啲嘢喎】失戀糖妹撐場 劉子千乘機「抄牌」
蘋果日報 2013/07/24 06:00
糖妹何浩文劉子千
剛同何浩文剛分手的糖妹（中），今日現身劉子千新碟發佈會，唔知佢哋兩個有冇機會發展呢？- 糖妹及Crystal作狀吻賀千千，但男方已經表現怕醜。
- 幾sweet咁喎。
- 都幾襯呀。
- 劉子千向糖妹「抄牌」。
- 得米啦﹗
- yeah﹗
- 千千搭住MV女角林舒語香肩。
- 女方作狀獻吻，千千怕醜迴避，嘥料喎﹗
- 收花就OK。
- 劉子千同母親甄珍。
- 胡慧中都撐場。
- 甄珍及陳志雲。
劉子千今日喺尖東出席新專輯《都是愛》發佈會，媽咪甄珍、胡慧中、張家振、陳志雲、周國豐、朱明銳都俾面撐場，仲有神秘嘉賓糖妹及HotCha的Crystal支持，佢哋喺台上作狀吻賀千千，搞到佢有啲尷尬。
千千今日喺台上高歌兩曲，期間MV女主角林舒語突然出現獻花，之後仲想吻賀千千，點知怕醜仔千千兩度避開又退後，令女方慘食檸檬。
講到糖妹近日甩拖，千千話唔知道，希望佢唔好太難過，問佢會唔會考慮追糖妹？佢就避談話冇佢電話號碼，大家亦未試過約食飯。
不過緣份呢樣嘢，真係擋都擋唔住，就喺呢個時候，糖妹咁啱路過，記者就即刻叫千千上前攞電話號碼，千千唯有照做，仲搞笑問糖妹0依家忙乜嘢，糖妹將電話號碼寫喺千千新碟上面，之後仲大方話有機會帶佢食好嘢。
事後，千千話之後可以打電話俾糖妹，問佢鍾唔鍾意呢類型？佢話揀女友最緊要心地好，如果媽咪都鍾意都會加分喎。
咦咦咦，怕醜仔千千唔知最後有冇機會同糖妹發展新戀情呢？
千千今日喺台上高歌兩曲，期間MV女主角林舒語突然出現獻花，之後仲想吻賀千千，點知怕醜仔千千兩度避開又退後，令女方慘食檸檬。
講到糖妹近日甩拖，千千話唔知道，希望佢唔好太難過，問佢會唔會考慮追糖妹？佢就避談話冇佢電話號碼，大家亦未試過約食飯。
不過緣份呢樣嘢，真係擋都擋唔住，就喺呢個時候，糖妹咁啱路過，記者就即刻叫千千上前攞電話號碼，千千唯有照做，仲搞笑問糖妹0依家忙乜嘢，糖妹將電話號碼寫喺千千新碟上面，之後仲大方話有機會帶佢食好嘢。
事後，千千話之後可以打電話俾糖妹，問佢鍾唔鍾意呢類型？佢話揀女友最緊要心地好，如果媽咪都鍾意都會加分喎。
咦咦咦，怕醜仔千千唔知最後有冇機會同糖妹發展新戀情呢？