韓國天團BIGBANG嘅隊長G-DRAGON(GD)早前展開其世界巡迴演唱會《G DRAGON 2017 CONCERT ACT III, M.O.T.T.E》，當中首地就喺首爾舉行，前日同噚日就喺澳門威尼斯人金光綜藝館開騷，到8月GD更會唱到嚟香港。

而之前GD喺首爾開騷仲獲「國民妹妹」IU以及同門好友CL撐場做嘉實，GD同CL一向老友鬼鬼，兩人喺台上表現亦十分合拍。當中CL穿上紅色貼身爆乳裝，大搶風頭，有網民就搞搞新意思，竟然將GD同CL crossover，仲P圖將GD同CL融為一體，當GD樣貌配上CL嘅身體時，又神奇地唔覺突兀，呢位咁有創意嘅網民仲將呢個GD同CL嘅混合體定名為「GL」，真係好鬼有心思，唔知呢位「GL」會唔會成為YG事務所嘅秘密武器呢？