【90年代陽光妹】賴沅貞再做阿媽 B女早產一個月請唔切陪月
蘋果日報 2020/03/21 15:27
紐約賴沅貞陽光妹孫光華
（IG圖片）
「如陽光伴我～清新笑迎面」，是不少港人對某隻檸檬茶的集體回憶，皆因盛產過不少「陽光男孩」及「陽光女孩」，如鄭伊健、黃宗澤、張栢芝、梁藝齡(原名梁珮玲)、樊亦敏、譚凱琪妹妹譚凱欣、何嘉莉及何思諺等，還有曾是時裝品牌Theme的太子女賴沅貞（Jeanette）也做過陽光少女，她短暫做過廣告模特兒，之後就移居紐約讀書及在當地發展，更發展了設計珠寶事業，而她早年已結婚，嫁給外籍人士Gavin，二人育有一女Nadja，Nadja已有6歲大。
Jeanette去年年中再度懷孕，今日在社交平台貼相報喜，身在紐約的她再誕下一女，相中她抱着初生的BB，母子平安。囡囡改名叫Isobel，她在文中表示女兒36周大就出世了，重4磅15安士，她在帖文留言：「Isobel Lai Thomas, 4lb 15 oz. Born early today at 36 weeks in the middle of a pandemic and isolation. But we are so happy and complete. We love you.」，她的朋友紛紛留言送上祝福，大讚她是「Beautiful mama and mini」。
《蘋果》就聯絡了Jeanette的媽媽孫光華 (Susan)，她對於再做婆婆相當開心，她表示：「我第三次做婆婆，朋友都叫我做Glamma，代表glamorous的外婆，BB早咗一個月出世，阿囡都搞到好忙，未買齊BB用品，又未請到陪月。Jeanette大女好開心，做咗家姐，佢而家好叻，應該可以幫手照顧妹妹。我之前叫佢嚟香港生，不過佢要照顧老公同女，我有諗過去美國幫手，不過而家新冠狀病毒都好犀利，所以就飛唔成，佢哋當地情況都好嚴重，之前佢仲寄咗口罩同搓手液畀我，而家到佢哋買唔到，我要寄返畀佢。」
Susan表示由於肺炎肆虐，影響全家見面的計劃，她表示：「原本佢哋生完BB，係計劃暑假嚟香港，嚟探我哋，之後一齊去泰國旅行，而家應該取消，要隔多一排先見到，我都有叫佢哋要小心，佢哋都係留喺屋企多，就算出入都係揸車，應該都安全。」
賴沅貞日前在紐約早產開刀生女，母女平安。（IG圖片）
孫光華提供了孫女Isobel的新相。（孫光華提供圖片）
賴沅貞於90年代拍廣告做「陽光妹」。（網絡截圖）
Jeanette母親孫光華原本想飛去紐約照顧女兒，不過由於近月武肺肆虐，未能成行。（IG圖片）
Jeanette在美國早期時的生活相。（IG圖片）
賴沅貞在紐約愛揸電單車，囡囡Nadja更做乘客。（IG圖片）
Jeanette陀B時整親腳，曾要坐輪椅代步。（IG圖片）
Jeanette大女Nadja已六歲多，榮升家姐相當興奮。（IG圖片）
賴沅貞與老公Gavin已有一女，現再做父母。（IG圖片）
Jeanette偶爾都飛返香港探望父母及弟妹。（IG圖片）
少女時的賴沅貞。（IG圖片）