在海味店選瑤柱，由細細隻到珍寶尺寸都有，若然送禮或在酒樓酒家食大圍餸菜及盆菜，當然選M貝以上的大大粒原粒瑤柱較為得體，但若然自家食用，選較細隻一點S貝或SA貝，甚至碎瑤柱會較為化算，味道可能沒大粒瑤柱般濃郁，但選優質的日本北海道瑤柱，風味與口感亦相差不多。當中碎瑤柱其實只是在運送途中不小心撞散的瑤柱，不一定質素差，甚至與原粒貴價瑤柱同級，但價錢就便宜一、兩級，高級雜貨海味店老闆娘Dilys表示，碎瑤柱的需求其實頗大，不少客人會特別等待店家儲夠散出來的瑤柱再買走，只要摸到瑤柱夠乾身，中間更能看到鹽花，就可確保它屬於上品。

而曾跟江太史家廚後人學藝的「中華𣿬館」總廚周卓雲師傅，亦是日本「宗谷」瑤柱的粉絲，他說：「日本瑤柱價錢貴少許，但香一點，如果是國內的瑤柱平一點，但入口只有鹹味。」這次就請他教路，分別用日本M貝及碎瑤柱，炮製兩家中也煮到的團年瑤柱菜──「玉環柱甫」及「桂花炒瑤柱」。

中華𣿬館
地址：中環士丹利街13號號地

好東西
地址：灣仔皇后大道東131A地舖

記者：黃穎妮
攝影：劉永發、潘志恆