當年今日
關於我們

【李八方online】情人節前好感觸?麥美娟自稱有生之年享受唔到產假

蘋果日報 2018/02/07 17:19

麥美娟李八方

工聯會立法會議員麥美娟今日喺特首質詢環節中,指娥特喺施政報告話過會檢討產假安排,查詢政府呢個檢討幾時開始?會唔會令婦女生育時唔使畀人扣人工?現時仍然係單身嘅佢,唔通情人節前夕,特別感懷身世?期間一度指:「雖然呢個假期,我應該有生之年都唔會有機會享受到......」
娥特回應時就話,自己作為首位女性特首,知道女性係對佢有期望、希望佢積極去睇女性員工關心嘅議題,但佢又同時補充,雖然勞福局局長羅致光係男人,但都好關心女性權益,「加上工聯會前議員陳婉嫻擔任埋婦女事務委員會主席,都彰顯咗府本屆政府推動女性權益嘅決心啦!」佢話政府正研究產假嘅薪金、日數同周數問題,若有結果會盡快同立法會交代,但現時唔能夠承諾任何檢討結果喎。