【話咁快…】童童今17歲生日 王菲搞gag：我越來越像你了…
蘋果日報 2014/01/03 06:00
生日王菲童童餅印
轉眼童童就17歲喇，HappyBirthday!- 王菲專登揀咗呢兩張相，兩個樣放埋一齊，真係好似。(王菲微博)
- 童童細個嘅時候，就唔係好似，但個style就好似。(資料圖片)
- 婷婷玉立。(資料圖片)
- 係唔係好有王菲嘅影子。(竇靖童微博圖片)
- 除咗個樣，就連靚聲都有遺傳到。(竇靖童微博圖片)
- 之前童童紋咗身喺左手。(竇靖童微博圖片)
- 最近又紋埋喺右手。(竇靖童微博圖片)
王菲同前夫竇唯所生嘅女兒竇靖童今日正日17歲生日，作為母親嘅王菲今朝一早就已經喺微博上面分別貼咗自己同童童嘅相，公開留言向囡囡送上祝福，重講笑話自己越嚟越似童童：「都說我越來越像你了，我很欣慰！生日快樂，竇小姐！」相中兩個嘅笑容都一樣，餅印咁，似姊妹多過似母女。
其實童童不時貼圖，仲密過阿媽，而且佢嘅相越來越有乃母之風。之前有張係童童一手叉住腰，企喺個琴前面影相，呢一張相一出，都有唔少網民話好似王菲。其實竇靖童基本上唔止遺傳到王菲嘅外貌同身型，就連把靚聲都可以媲美王菲。2012年12月，15歲嘅佢仲晒出咗自己一首原創歌曲《Withyou》，清新嘅曲風同磁性嘅嗓音令網民讚賞，當時王菲都有用微博幫囡囡轉發。唔少網民都話:菲姐後繼有人！
經常活躍嘅微博嘅壽星女童童早喺上個月尾就喺微博上載咗一張自拍照大騷紋身，而噚日、即係生日前夕，佢仲專登擺咗張紋緊身嘅相比大家睇，唔知係咪紋身紋上癮，今次仲喺右邊膊頭補色，話唔定係送俾自己嘅17歲生日禮物。
前兩日嘅除夕夜，童童都好乖，冇特別同朋友去慶祝，反而同王菲嘅好姊妹趙薇一齊倒數，趙薇重喺微博Post咗張佢兩個人只露出眼睛既搞鬼相片，留言話等待緊2014嘅來臨。照睇當時佢係身在香港，唔知依家仲係咪呢？
其實童童不時貼圖，仲密過阿媽，而且佢嘅相越來越有乃母之風。之前有張係童童一手叉住腰，企喺個琴前面影相，呢一張相一出，都有唔少網民話好似王菲。其實竇靖童基本上唔止遺傳到王菲嘅外貌同身型，就連把靚聲都可以媲美王菲。2012年12月，15歲嘅佢仲晒出咗自己一首原創歌曲《Withyou》，清新嘅曲風同磁性嘅嗓音令網民讚賞，當時王菲都有用微博幫囡囡轉發。唔少網民都話:菲姐後繼有人！
經常活躍嘅微博嘅壽星女童童早喺上個月尾就喺微博上載咗一張自拍照大騷紋身，而噚日、即係生日前夕，佢仲專登擺咗張紋緊身嘅相比大家睇，唔知係咪紋身紋上癮，今次仲喺右邊膊頭補色，話唔定係送俾自己嘅17歲生日禮物。
前兩日嘅除夕夜，童童都好乖，冇特別同朋友去慶祝，反而同王菲嘅好姊妹趙薇一齊倒數，趙薇重喺微博Post咗張佢兩個人只露出眼睛既搞鬼相片，留言話等待緊2014嘅來臨。照睇當時佢係身在香港，唔知依家仲係咪呢？