韓國又有藝人宣佈結婚，34歲男星徐在慶今日表示將於27日跟大6年嘅圈外女友結婚。

徐在慶方面今日表示：「徐在慶將於27日韓國時間下午5時，於首爾某酒店舉行婚禮。」一對新人更於今日大方晒婚照放閃，雖然未婚妻已經40歲，不過依然keep得好好，穿上婚紗大騷弗爆身材。

據知徐在慶未婚妻係大6年嘅企業家，二人透過熟人介紹而認識，因為有相同興趣，好自然地成為戀人。