宿便Jacky包庇鄉音友人除罩食煙 口講「調停」真出手拍打鏡頭
蘋果日報 2020/12/09 00:20
宿便Jacky戴口罩限聚令
近日疫情稍有緩和，政府宣佈限聚令由2人放寬至4人，食肆堂食放寬至四人一枱，營業時間延長至午夜，而戴口罩措施則繼續延長，戶外運動及身處郊野公園繼續獲可豁免。雖然保持公眾衞生人人有責，不過仍然有人懶理，罔顧有傳播風險。
今日網上瘋傳兩段短片，內容涉及有宿便Jacky之稱、曾拍《愛‧回家之開心速遞》的特約演員李健，昨晚與男友人在尖沙嘴一間食肆的門外，疑因戴口罩的問題與一個等候巴士的四眼男發生口角，期間有人用粗口狂鬧四眼男，甚至「郁手郁腳」，最後更有人揚言：「報警就起你底！」事緣李健的男友人當時在食肆門外吸煙，令一個巴士站排隊中的四眼男不滿，要求他們戴口罩，結果有一個講普通話的男士上前論，接着有3名男子輪流上前用粗口狂鬧四眼男，甚至一度推他出馬路，其後李健從食肆內走到門外加入戰團，聲稱自己要「影埋一份」，他還多次用手拍打正在拍片的人的鏡頭，甚至向四眼男動粗，當時李健全程沒有戴口罩，同行友人對李健所作所為表示「讚賞」，李健即流露出「得戚」的笑容。
事件曝光後，不少網民湧到李健的FB留言，最初他未有回覆，直到今早他留言，聲稱是一場誤會：「朋友抽煙後忘了戴口罩，我哋只是調停～後來也戴回了～保持衞生～戴口罩～十～勤洗手～～香港市民～人人有責～代朋友說聲抱歉～會緊記～謝謝」不過有網民反擊，直斥李健做人「假」：「調停調停會郁手？條片睇住你啲朋友推人㗎喎，想攞人哋部手機，仲好得戚咁嘅樣，你班大陸朋友係帶菌者啦，全香港係咁樣係咪畀你哋累死呀？係你啲朋友呢就教佢哋啦，冇啲衞生意識！」與此同時，有網民發現他刪除飯局其間合照，有網民將CAP圖出POST，相中見到當時一行6人同枱，似乎有違限聚令，李健則表示只不過同枱合照，影完相便離開。同樣雖然有片為證，但李健仍然堅稱自己沒有打人，他更表示為澄清自己沒有打人，已經向警方舉報後，未有再留言。
今日《蘋果》曾向李健了解，但至今未有回覆。
昨晚有人在FB出post，宿便Jacky因口罩問題與途人爭執的短片。（FB截圖）
宿便Jacky知道同行友人與四眼男發生爭執，從餐廳內步出並加人戰團。（影片截圖）
宿便Jacky話自己要「拍埋一份」。（影片截圖）
宿便Jacky多次用拍打鏡頭。（影片截圖）
宿便Jacky獲友人「嘉許」，表現得戚。（影片截圖）
宿便Jacky一覺醒來，堅稱自己只是勸交，沒有動手！（FB截圖）
宿便Jacky表示已備案。（FB截圖）
宿便Jacky刪去與友人的合照。（FB截圖）
宿便Jacky曾經拍過《愛‧回家之開心速遞》。（FB截圖）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！