當年今日

八方人物--何栢霆:旅遊界政治化

蘋果日報 2010/01/05 00:00


「呢六年旅遊界好動盪,家我輕鬆晒。」說起旅遊業議會,總讓人想起「白頭佬」總幹事董耀中,04年起連任兩屆共六年的主席何栢霆較訥言,今天不在其位,毋須紅酒在手也可茶後吐真言,「航空公司減佣金其實影響市民好細o架咋!」「旅遊界越來越政治化,選理事都花十幾萬。」
已卸任議會主席的何栢霆頗低調,年前在澳門一次傳媒聚會「飲多幾杯」才口若懸河,身邊人笑說:「同佢做訪問,等佢醉醉哋先。」他日前與傳媒茶敍稱:「今日唔舒服唔飲酒。」眾人即擔心「冇料到」,怎料他一茶在手也盡吐真言。
他說任內最難忘是零團費事件。04年開放自由行後,已有內地客投訴被「劏」,議會被批評監管不力,他指1,500間旅行社中,承辦零團費的僅十數間,「呢班友當議會冇到,但佢哋冇犯法,奈佢唔何。」07年央視「放蛇」踢爆零團費劏客,事件鬧大,他趁機與消委會及旅發局推出旅客六個月退款保證:「源頭係啲舖頭,資助班友搞零團費。」此招一出,即打殘零團費黑店。
有人不惜工本拉票
部份航空公司減機票佣金也掀起業界抗爭,何栢霆卻說「唔係好支持」,因旅行社逾九成機票來自批發商,賺差價不是賺佣金,航空公司取消的佣金,只涉及不足一成的公司客機票,一般旅客其實不受影響,議會抗議,純粹「滿足部份會員。」
要為會員發聲,乃因業界日趨政治化,為角逐議會理事勾心鬥角,有人更不惜工本拉票,業內大部份無實質業務的蚊型旅行社是拉攏對象,「選個理事都花十幾萬。」
記者 翁煜雄