日本女子組合AKB48橫行藝能界多年，不過流失大量人氣成員後，現時風頭已被乃木坂46蓋過，而一班舊將失AKB光環亦後勁不繼，當中以板野友美嘅歌唱成績更一落千仗。

板野友美單飛四年，最新單曲《#讚好》最高只排銷量榜11位，兩周後已跌出榜中50大位置，比起《Dear J》、《突然間》高踞銷量榜冠、亞軍簡直冇得比。

板野友美為迎接下月嘅26歲，近日宣佈8月25日推出全新寫真集，佢更到夏威夷取景，穿上多款比堅尼性感上陣，更挑戰高衩泳衣晒月光，似乎為事業盡地一煲。