有線裁員|講波諷時弊 俄超「39分鐘多啲」回應警方721說法最經典
有線裁員林普斯抽水2月14顛沛流離
林普斯回應抽水風格時笑說「我要澄清一樣嘢我從來都係講緊場波」,他指引用潮語只為引起觀眾共鳴。翁志偉攝
林普斯強調旁述時「從來都係講緊場波」,但他報道新聞時活用時事金句,風格抵死啜核,例如近月他報道俄超賽果時以「39分鐘多啲」反擊高級警司針對721事件的說法,教網民大讚為「最貼地體育記者」,紛紛重溫林普斯近年經典「靚抽」。
1) 2020年8月,俄超:莫斯科戴拿模對辛尼特、莫斯科火車頭對艾卡馬特
林普斯報道賽事時表示「莫斯科戴拿模用咗39分鐘多啲,攻入領先嘅一球,其實邊有用咗咁耐呢?只係兩三秒咋嘛,如果由斬罰球嗰刻開始計」,又指「雖然話世人總難以事事都知,但影到晒就好難假設人哋唔知。」臨尾報道球員領紅時,他說「嘩舒力斯咁躁呀,一啲不必要嘅評論就無需要去講喇。」報道似是反擊新界北總區刑事總部高級警司陳天柱交代721事件時,指雙方「旗鼓相當」,並稱警方18分鐘到場,而非39分鐘的說法。
2) 2020年8月,歐聯決賽:拜仁慕尼黑對巴黎聖日耳門
有線新聞部突解僱三名工程部資深員工,有線員工發起聯署反對,林普斯翌日旁述歐聯賽事時,指「或者迪馬利亞都想問下原因,點解美好嘅一切竟然冇好好珍惜,又令多少人感到惋惜呢」、 「往績有目共睹,建立從來都不容易,但摧毀可以只係轉眼之間。」
連登網民於19年情人節前夕改編李克勤歌曲《紅日》為《眼紅日》,新歌於網絡大熱,林普斯今年情人節當日報道歐聯時,用上改編歌的歌詞,表示「一次中柱都未算顛沛流離,攻極未入就真係曲折離奇,薛耶治或是後悔,起腳未夠勁同沒趣味?」、「阿積士冇花時間去流淚心酸,亦都冇捨棄,去到 37 分鐘,達利亞費高終於送個波入網,呢邊古圖斯獨處一角像是沒協助。」
林普斯報道體育新聞時常諷刺時弊,但他強調四位新任高層從未審查其稿件。相片由受訪者提供
-----------------------------
-----------------------------
-----------------------------