已失業半年的彭先生投訴稱，多月來他積極「搵工」，早前於一報章看到一則「代帶貨、日薪600-800、每日出糧、男女均可……」招聘廣告，隨即根據廣告上聯絡電話，致電應徵。他憶述當日對方「一輪嘴」的簡介工作範圍：包括代帶指定型號全新手提電話往返內地，當完成交易後便獲二至三百元酬勞，但需自行購買手機。
前往深圳交收
他說，當時有點猶豫，但對方語調令他不敢遲疑，「佢好趕咁問我有無興趣做？講到好似好多人應徵任佢揀，如無興趣就算，咁我怕人哋嫌我諸多提問咪立即應承！」他根據對方指示，購買一部價值二千八百八十元SamsungA200型全新手機，對方將內地接貨人聯絡電話給他，其後乘火車往深圳「交收」。
彭先生說，他與接貨人相約在羅湖商業城一大型連鎖快餐店會合後，接貨人稱帶他往其電話店供老闆檢查手機；途經一茶餐廳時，接貨人稱「坐低飲杯嘢先」。「佢沿途至坐低都無停口，重話賺到錢就請佢飲茶；佢一直揸住嗰部新手機同佢老闆喺電話做核對，講一輪之後就話部機OK，可以拎去佢舖頭畀老闆。」
藉詞一去不返
他說，當他準備隨接貨人而行之際，接貨人稱其手機店有公安，不便他隨行，更稱兩分鐘後會折返並給他二、三百元的酬勞，但接貨人一去不返。
「其實佢拒絕我同行時已心知不妙，不過嗰度唔係自己地頭，點知反抗後會有乜後果，肉隨砧板上啦！」彭先生說他回港後致電應徵電話投訴，但對方「誠懇」地稱只因有「一名叫發仔的內鬼搞搞震」，並即時索取其銀行戶口號碼，聲稱會轉帳付還給他買手機款項，事隔兩月，但至今仍無下文，再追討時對方手機已停止用。