時裝設計師JohannaHo與香港中央紗廠合作,前晚於尖沙嘴舉行「Nothingfeelslikethis」時裝展。
評選較完善
今次是Johanna首個在港舉行的大型時裝展,其閨中好友莫文蔚義助行騷,穿上一白一黑,分別是低V和大露背的超短裙,在透明天橋上大擺甫士傾力演出,二人稍後更會合作推出時裝系列。
事後莫文蔚接受訪問時,談到近日的樂壇貪污案,問她可有聽過買獎,她說:「之前都有聽過,不過我一向好低調,我個market又唔係只喺香港,所以有獎咪開心,冇就算,獎項唔係我工作嘅最終目標。不過香港有好多唔同嘅獎項,台灣就『金曲獎』同『金馬獎』最重要,代表性大啲,評選制度又完善啲,我近期入選咗『金曲獎』嘅最優秀女歌手,都好緊張。」不過台灣創作歌手陶喆早前曾炮轟「金曲獎」不公平。
問莫文蔚會否覺得香港樂壇黑暗,她說:「見仁見智啦,我一向當係遊戲,頒獎禮咪當開party咁,都係嘻嘻哈哈,有冇獎都冇所謂啦。」
拍有格寫真
此外,莫文蔚行騷時,原來是一步一驚心,她說:「都幾驚跣腳㗎,因為個台see-through,唔知邊度高邊度低,好唔慣。」問她有否買重保險?莫文蔚說:「唔知喎,一向都有買。」
完騷後,莫文蔚便飛赴西班牙拍寫真集,她說:「今次會帶埋Johanna大批衫去影相,唔會突出性感,今次我哋玩有性格。」
採訪、攝影:JessicaNgan