【狀態大勇】葉蘊儀體重回復做女時期 自認底線open可以更激
蘋果日報 2019/09/27 15:56
減肥葉蘊儀Gloria
葉蘊儀（Gloria）今天於尖沙嘴出席美容公司活動，勁減38磅的Gloria狀態大勇，笑言現在只有98磅體重，回復做女的時期。Gloria謂今次減肥是因為身體響起警號，早前患上身體機能失調，導致浮腫與經期不準的狀況，尋遍中、西醫也不果，巧合下遇上瘦身公司老闆，透過DNA測試，針對個人體格對症下藥，結果真的成功瘦身。Gloria直言今次減肥很有挑戰性，過程中有遇上樽頸位，因而感到沮喪，Gloria又自嘲愚蠢，沒有收取酬勞，但卻開心能夠合作多個藝術企劃，其中他們到日本拍攝了《赤。色》相集，當中有大量性感相片，問她現時是否信心爆棚？Gloria說：「我冇諗呢樣嘢，因為之前一路都只照顧家人同屋企，好少理自己身體，而家連細女都讀大學嘞，係時候改變。」
Gloria的相集是以藝術家身份帶出「女性身體自主」的訊息，當中有真空透視、泳裝等照片，她說：「之前一直都諗住做個同女性有關嘅project，呢一個係我嘅藝術工作，冇諗過大唔大膽，可能喺中國社會裏面，大家都會覺得呢樣嘢係大膽，但係套用喺男人身上嘅話大家就冇嘢講，會judge呢樣嘢係大膽，其實喺外國好多人都唔戴bra出街，大家係受到中國文化影響，會較為保守，呢樣就係我正想表達，我覺得自己嘅身體係自己話事！」Gloria又謂一對子女也大讚拍出來的照片好靚！問她回復苗條後是否多了追求者？她說：「有啲啦，暫時冇咩啱。」問到會否再有更激的作品？Gloria說：「我嘅底線好open，睇吓係咪藝術角度，唔會以商業角度，今次係想帶出一個訊息畀香港女性，為自己重新出發，我都可以拍劇、做旅遊或者親子節目㗎，多元化嘅工作都可以做。」
採訪：羅慧敏
（攝影：林賓尼）
勁減38磅的Gloria狀態大勇，她笑言98磅體重回復做女時期。
Gloria直言今次減肥很有挑戰性。
Gloria的相集是以藝術家身份帶出「女性身體自主」的訊息。