【下月台灣擺酒】Jessica@SG正式簽紙成為人妻 未習慣身份有轉變
註冊結婚蔡明思
女子組合Super Girls成員之一的蔡明思(Jessica)將於下月27日與男友Steven在台北舉行婚宴,Jessica剛剛派嫁女餅,原來昨日已經在大會堂註冊結婚,不過獲邀出席的圈中人不多,除了好姊妹Yanny和Cheronna外,主要是雙方家人。
Jessica昨晚在社交平台貼了簽紙的相並留言:「Officially Chen’s now.」張繼聰、謝安琪、陳嘉寶和鍾舒漫等先後留言恭喜,她親自回覆多謝大家的祝福。講到註冊的詳情,她說:「嗰日原本冇諗住請任何人觀禮,因為婚禮喺台灣舉行,留番到時邀請親朋好友出席,所以最初我哋本來只係諗住請半日假,簡單簽咗紙就算,點知我哋屋企人知道之後,佢哋話過嚟觀禮,有啲仲要專登喺大陸同台灣過嚟,最後變咗好多人出席。」
她還說:「成個註冊過程好開心,事前一啲都唔緊張,亦都冇失眠,可能因為未到婚禮當日,只係簡單簽紙宣誓,本來我都諗自己會唔會眼紅紅感動到喊,始終係一世嘅事情,但係最後係冇,因為男友(老公)實在太古靈精怪,簽紙時仲講笑話:『畀我考慮吓先!』搞到我都忍唔住話佢:『玩完未?唔好再玩!』其他人聽到係咁笑,氣氛好開心,不過當簽完紙後,覺得自己身份唔同咗,有啲唔慣已經成為人妻!」
-----------------------------
【撐學生】
召集有心人 撐學生全年睇《蘋果》
立即按此 -----------------------------
《囚牢之疆》 專頁
揭開集中營邪惡面紗
今日新疆 明日香港
Jessica爆Steven簽紙時講笑話:「畀我考慮吓先!」