今期係2014年首次快活谷賽事，共有12駒於2013年最後一次谷戰跑完匆匆再戰，當中「正紅旗」、「萬眾期待」及「皇者拍檔」都係上名後匆出，咁急再跑應係趁勇爭功之部署。
其中第六場「皇者拍檔」近三仗喺同程谷草一哩跑二至四名，予人感覺易位難贏，不過細看呢三場走勢，其實每次都造出高難度動作。
大前仗：受制於慢步速，拉士衝22秒08得第四，是今季同程第二快末段締速。
前仗：不敵「首飾孖寶」跑第二，該場「首飾孖寶」造出今季三班一哩最快總時間，「皇者拍檔」佳速下僅敗，再次證明實力。
上仗：排11檔起步，彎位抄大外叠發力，蝕位下仍以全晚最快末段22秒44衝上得第三。
結論：今仗「皇者拍檔」移入二檔，跑法上不像近仗排中外檔般被動，補中機會甚大。