三代同堂晒溫馨 
Tim堅守音樂風格 俘虜爸爸心

蘋果日報 2021/06/19 02:00

黃天翱楊洛婷黃國輝

【HAPPY FATHER’S DAY】港姐楊洛婷和樂隊Dear Jane主音、老公黃天翱(Tim)在2018年貼出帶着囡囡黃子霏(Tanya)往收豪宅鎖匙的相片,事後爆出Tim背後有「富爸爸」、資深電影人黃國輝(輝哥)。Tim初出道時被行內長輩稱呼「輝哥個仔」,不過他在音樂上不斷努力,現在是輝哥被介紹為「阿Tim個老竇」,名稱逆轉,見證Tim在演藝圈多年來建立的成績。
撰文:比華利
攝影:陳弘
黃天翱一家三口及其父輝哥日前在銅鑼灣一同接受《蘋果》訪問,Tim強調沒有爸爸的支持,未必會有今日成績,直認爸爸不但曾在經濟上「泵水」,還將自己的經驗做他的明燈。輝哥指Tim小時候性格內向及禮讓別人,曾擔心他長大了不會保護自己。後來Tim到夏威夷升大學,輝哥親自陪他飛到當地搞入學手續。因這是Tim首次離家,輝哥臨別不忘在他的寓所貼滿memo提醒。輝哥希望自己的孩子在成長過程中不用吃苦,他也不打罵子女:「我反而係從旁指引,唔贊成綑綁式限制,要畀佢哋自己思考,但當然要有基本嘅紀律。」
empty
■挺着巨肚的楊洛婷仍與三歲囡囡Tanya為老公Tim、老爺黃國輝炮製驚喜,三代同堂好溫馨。
empty
■Tim跟爸爸冇隔膜冇代溝,這次父子對談訪問,更盡訴心中情,

幸獲富爸爸泵水

童年志願要做汽車工程師的Tim,讀大學時加入敲擊樂團後,突然迷上玩音樂,回港還組band闖樂壇追夢,Tim憶述:「初組band人工得兩、三千蚊一個月,當然唔夠錢養家,爹哋喺經濟上幫忙,起碼我出去同朋友飲杯咖啡都唔怕冇錢。」但Dear Jane出道時發展停滯不前,成員間曾討論是否要作出改變,輝哥坦言:「我話唔可以改,我聽過Quincy Jones(美國金牌音樂人)講過一句說話,如果你唔能夠堅持自己嘅風格,而去做一啲大眾化嘅音樂,一旦跌入大海就唔會搵到你。如果人哋要聽粵語流行曲,你模仿張學友,佢不如去聽張學友,佢唔會去聽Dear Jane。就算你比人哋更好,都係模仿,所以一定要保持自己style,我話一轉就會輸!」就是這份鼓勵,Tim堅持建立自己風格。
empty
■黃國輝自言從不打罵子女,也不想他們捱苦。
empty
■黃國輝坦言為囝囝Tim(右二)在樂壇的成績而驕傲。資料圖片

三個人演唱都撐

輝哥直認是兒子的忠粉:「無論佢開三個人嘅演唱,又或者三萬人嘅演唱會,我都會喺度。記得佢哋紅館開騷,我入後台,睇到佢一個人化好妝坐喺度,我好少見佢咁安靜,我問佢準備好未,佢答我『我喺台上時就準備好』,我覺得佢呢句說話好似老竇,我哋好少空槍上陣,常常都準備好自己。結果三個鐘頭演出係『zero mistake』,我真係proud of囝囝。」Tim聽到這裏即說:「爸爸台下睇到『zero mistake』,我喺台上有多少錯,我知道嘅!」
場地提供:RedMR
empty
■Tim自小萬千寵愛,而其三歲囡囡Tanya亦會鬼馬地寫紙仔,叫他不要「黑面」。