柯震東同房祖名因為吸毒被捕，一班網民除咗緊貼住呢件事嘅進展之外，以及惡搞一番後，其實亦有網民喺facebook開設專頁，話要俾佢哋兩個機會。

有一個就叫做「給房祖名機會」page，不過就似乎唔係好多人like，至下午都係得25個人like，不過呢個專頁唔係開咗好耐，所以少人like都唔出奇；另外，而仲有一個page就叫做「房祖名也該給他機會」，呢個專頁就開咗一段時間，所以人數多番啲啲，有1534人like。

除咗有網民開設facebook專頁撐祖名外，柯震東都有專頁0架，名稱叫「給柯震東機會」，like嘅人數就多過房祖名多多聲呀，至下午為止，有逾146,000個人like，根本就係蚊髀同牛髀呀﹗

另外早前都有涉毒嘅張耀揚，都有個專頁叫「給張耀揚機會」，然而耀揚哥就冇「房東」咁多人喇，只係得4個like......